عالم ورق

ـــــــــــــــــــــ

ناس كتير بنقابلها على الورق...

نحبهم على الورق...

ونرسم لهم أجمل الصور...

وشويه بشويه نصدق وهم الورق...

نتكلم كلامهم... ونعيش حياتهم...

وفي الآخر... نلاقي نفسنا ...

أسرى في عالم كله ورق...

شخبطة

ــــــــــــــــ

- ممكن أكتب؟
- ما تكتب .... حد حايشك؟
- حضرتك...
- وأنا مالي؟؟!!!!!
- حضرتك كاتم على نفسي... مسيطر على عقلي... كاسر قلمي... مزهقني في حياتي؟
- طب بذمتك دي مواصفات واحد كاتب... هي الناس ناقصة خنقة وزهق؟؟
- بصراحة لأ...
- يبقى تسكت ساكت...